اولمادين
اي منيم جانيم بو جيسمه جان اولاردين ، اولمادين
سروي بويلولو دلبر جانان اولاردين ، اولمادين
هر گئجه گؤزياشيم آخدي من يولومدان دونمه ديم
صبحومه لطف ايله ييب فرمان اولاردين ، اولمادين
نازيني آز چكمه ديم هر گون بو پوزقون حال ايله
سن بو عشقه ترتميز انيسان اولاردين ، اولمادين
چوخلو سؤز قالدي سينه مده مدفن سيرر اولموشام
قبريم اؤسته قاري يي قرآن اولاردين ، اولمادين
بس خيالين مركبينده اوتوروب شؤو شيغياديم
قارشيداكي صون سرابيم سن اولاردين ، اولمادين
آهي و افغانيم آليب ايندي سراسر عالمي
سن تسلي اولماقا درمان اولاردين ، اولمادين
زنگيمارلي دالدالانميش عهدينه ، پيمانينا
ايسته سئيدين عشقينه عؤنوان اولاردين، اولمادين
آيريليق
بو آيريليق نه دن اولدي
اللريني چكيب من دن
ياريم بوگون گئدر اولدي
هم سئويب هم سئويليرديك
بوذآيريليق نه دن اولدي
يار عشقين دن يانايانا
آيري دوشدوم ائللره من
آما سن دن آيري گئچن
ئورك دئير بدن اولدي
ياندي ئورك كباب اولدي
گول باغچه م ده خزان اولدي
من كي سن دن آيريلمازديم
بو آيريليق نه دن اولدي
يار عشقيله يانايانا
آيري دوشدوم ائللره من
آما سن دن آيري گئچن
ئورك دئير بدن اولدي