بير داملا گؤز ياشين ،خلت ائيليين
سيز الله سو-سوزدو ، اورمو گؤلونه

او قدر سو-سوزدو ، قلبي يانيري
بير اويوج سو تؤكون ، اورمو گؤلونه

بو گؤلون آغري‌سي ، دونيا بويونجا
يئر-گؤي اونودوبدو اونو دويونجا
قانيميز قوروسون ! گؤل قورويونجا
گلين بيز سو تؤكك ، اورمو گؤلونه

آغلاياق هديه ائدك گؤز ياش‌لاريني
بلكه جان وئرك بيز ، اورمو گؤلونه

اوريين يانمايير ! آغلييا بيلميرسن !
قان وئرك داماردان ، اورمو گؤلونه

بو گؤلون قازلاري هايانا گئتدي ؟
يام ياشيل يازلاري هايانا گئتدي ؟

كئيفي‌نين سازلاري هايانا گئتدي ؟
سو وئرك سازلانسين اورمو گؤلونه

بيگانه باخا‌جاق ، اؤگئي بو گؤله
يانماسا دوغما اؤزو ، اورمو گؤلونه

هارداسان سن ائي ، گؤلون صاحبي ؟
بيگانه خور باخار اورمو گؤلونه

گلين آغلاركن ، بيز هديه ائدك
بو قان‌لي گؤز ياشين ، اورمو گؤلونه

تحقير بسدي ، گلين گلين آماندي
خار اولماق ايستمه ، اورمو گؤلونه

بيلمديم هانسي اللر ! چاي‌لاري كسدي
گوناه بس نه يميش ، اورمو گؤلونه

بولاق‌لار گورودو ، نه بره بسدي ؟
ميناس داغي آغلار ، اورمو گؤلونه
اگر موسلمان‌سيز ؟ روا گؤرميين
بير ايچيم سو وئرين ، اورمو گؤلونه